ఈ రోజు మాఘమాసం బహుళ (కృష్ణ) పంచమి (ఫిబ్రవరి 20, 2014). కాలచక్రాన్ని వెనక్కి తిప్పితే... అది 1986వ సంవత్సరం, ఫిబ్రవరి 28వ తేదీ అంటే ఆరోజు కూడా ఇదే మాసం, ఇదే తిథి. సరిగా ఆరోజున అత్యంత ప్రేమమూర్తి మా అమ్మ
గారు (తుర్లపాటి స్వరాజ్యలక్ష్మి) లింగైక్యమైన రోజు. స్వర్గీయ తుర్లపాటి వెంకట మల్లికార్జున వరప్రసాదరావుగారి ధర్మపత్ని.
ఈ పుణ్య దంపతులకు ఐదుగురు సంతానం. కర్మానుగత విశేషములచే సంతాన ఫలాల్లోని మొదటి ఇద్దరు (పురుషోత్తమరావు, అన్నపూర్ణ) చిన్నవయసులోనే కన్నుమూశారు. మిగిలిన సంతానం ముగ్గురు. వారిలో పెద్దవారు తుర్లపాటి కోటేశ్వరరావుగారు. వీరే మా అన్నయ్య. ఆ తర్వాత వరలక్ష్మి. ఈమె నాకు అక్కయ్య. చివరివాడిని నేను (నాగభూషణ రావు).
ఈరోజు మా అమ్మగారి పుణ్యతిథిని పురస్కరించుకుని మా కుటుంబం యావత్తు ఆ పుణ్యమూర్తికి నివాళి ఘటిస్తున్నాము.
అమ్మ ఎవరికైనా ముద్దే. అమ్మప్రేమను తలుచుకుంటే చాలు మనసు పరవళ్లు తొక్కుతుంది. నిష్కళంక ప్రేమ ఆమెది. ఎన్నో,ఎన్నెన్నో మధురమైన సంఘటనలు కళ్లముందు కదలాడుతున్నాయి. అయినప్పటికీ ఒకే ఒక్క సంఘటన ఈ సందర్భంగా నేను గుర్తుచేసుకుంటున్నాను.
పుట్టుక నుంచీ నేను చాలా బలహీనుడినేనట. నెలల పిల్లాడిగా ఉన్నప్పుడు అమ్మగారు కాళ్లుజాపి ఆ కాళ్లపై నన్ను పడుకోబెట్టి స్నానం చేయిస్తుంటే రెండు కాళ్ల సందులోనుంచి జారి పడిపోయేవాడినని మా బామ్మ (అన్నపూర్ణమ్మ) మా మేనత్త (బుల్లెమ్మ - అసలు పేరు - సీతారావమ్మ కస్తల) అంటుండేవారని పెద్దయ్యాక నాకు తెలిసింది. అంత బలహీనమైన పిల్లాడు అసలు బతికి బట్టకడతాడా? అని బంధుమిత్రులు అనుకునేవారట.
అంత అర్భకంగా ఉండటంతో పాలే నాకు ప్రధాన ఆహారమైంది. పెరిగి పెద్దవుతున్నా పాలను ఎంతో మురిపంగా నాకు ఇచ్చేవారు. నాకు పదిపన్నెండేళ్లు వచ్చినప్పుడు జరిగిన సంఘటనలు గుర్తే. ఏదైనా ఫంక్షన్ కు గానీ, ఎవరి ఇంటికైనా వెళ్ళినప్పుడు కాఫీ ఇస్తుంటే మా అమ్మ గట్టిగా చెప్పేది. `మా రాజా (నన్ను మా అమ్మేకాదు, బంధువర్గమంతా నాగరాజు, రాజా అని పిలుస్తుంటారు ఇప్పటికీనూ) కాఫీ తాగడు, పాలే ఇవ్వండి' అనేది.
దీంతో ఎవరింటికి వెళ్ళినా నాకు మాత్రం గ్లాసుడు పాలే ఇచ్చేవారు. ఇప్పటికీ (నాకు 58 ఏళ్లు వచ్చినా) మా సొంత ఊరైన అడవిరావులపాడు లేదా నందిగామ వెళితే కాఫీ నాకు ఇవ్వరు. వేడివేడి పాలే ఇస్తుంటారు. ఈ మధ్యనే నేను అడవిరావులపాడు వెళితే అక్కడ మా పొలం చూసుకునే వెంకటేశ్వర్లు కుటుంబం కూడా `చిన్నబ్బాయిగారు పాలే తాగుతారు ' అంటూ నాకు పాలే ఇచ్చారు. ఒక్కోసారి కాస్తంత ఇబ్బందిగా ఉంటుంది. నాకంటే చిన్నవాళ్లు, మరీలేతవాళ్లే కాఫీ కప్పులు తీసుకుని తాగేస్తుంటే, నాకు పాలగ్లాస్ ఇవ్వడమేమిటీ !! కానీ వారి అవ్యాజమైన ప్రేమను కాదనులేను. అందుకే అలా ఎవరైనా ఎప్పుడైనా పాలగ్లాసు నాచేతికి అందిస్తుంటే వారి రూపంలో మా అమ్మే కళ్లముందు కనబడుతుంటుంది. అందుకే మా అమ్మ మురి`పాల' అమ్మ .
(మా అమ్మగారితో పరిచయం ఉన్నవారు, బంధుమిత్రులు- తమకు తెలిసిన విశేషాలను ఈ సందర్భంగా పంచుకోండి. మీ అభిప్రాయాలను ఈ పోస్ట్ కింద కామెంట్స్ రూపంలోగానీ, లేదా మెయిల్ ద్వారా nrturlapati@gmail.com కి గానీ లేదంటే ఫోన్ చేసిగాని చెప్పండి)
- తుర్లపాటి నాగభూషణ రావు (నాగరాజు)
ఫోన్ నెంబర్ 988 529 2208
 |
| తుర్లపాటి స్వరాజ్యలక్ష్మి |
ఈ పుణ్య దంపతులకు ఐదుగురు సంతానం. కర్మానుగత విశేషములచే సంతాన ఫలాల్లోని మొదటి ఇద్దరు (పురుషోత్తమరావు, అన్నపూర్ణ) చిన్నవయసులోనే కన్నుమూశారు. మిగిలిన సంతానం ముగ్గురు. వారిలో పెద్దవారు తుర్లపాటి కోటేశ్వరరావుగారు. వీరే మా అన్నయ్య. ఆ తర్వాత వరలక్ష్మి. ఈమె నాకు అక్కయ్య. చివరివాడిని నేను (నాగభూషణ రావు).
ఈరోజు మా అమ్మగారి పుణ్యతిథిని పురస్కరించుకుని మా కుటుంబం యావత్తు ఆ పుణ్యమూర్తికి నివాళి ఘటిస్తున్నాము.
 |
| పుణ్య దంపతులు |
అమ్మ ఎవరికైనా ముద్దే. అమ్మప్రేమను తలుచుకుంటే చాలు మనసు పరవళ్లు తొక్కుతుంది. నిష్కళంక ప్రేమ ఆమెది. ఎన్నో,ఎన్నెన్నో మధురమైన సంఘటనలు కళ్లముందు కదలాడుతున్నాయి. అయినప్పటికీ ఒకే ఒక్క సంఘటన ఈ సందర్భంగా నేను గుర్తుచేసుకుంటున్నాను.
పుట్టుక నుంచీ నేను చాలా బలహీనుడినేనట. నెలల పిల్లాడిగా ఉన్నప్పుడు అమ్మగారు కాళ్లుజాపి ఆ కాళ్లపై నన్ను పడుకోబెట్టి స్నానం చేయిస్తుంటే రెండు కాళ్ల సందులోనుంచి జారి పడిపోయేవాడినని మా బామ్మ (అన్నపూర్ణమ్మ) మా మేనత్త (బుల్లెమ్మ - అసలు పేరు - సీతారావమ్మ కస్తల) అంటుండేవారని పెద్దయ్యాక నాకు తెలిసింది. అంత బలహీనమైన పిల్లాడు అసలు బతికి బట్టకడతాడా? అని బంధుమిత్రులు అనుకునేవారట.
అంత అర్భకంగా ఉండటంతో పాలే నాకు ప్రధాన ఆహారమైంది. పెరిగి పెద్దవుతున్నా పాలను ఎంతో మురిపంగా నాకు ఇచ్చేవారు. నాకు పదిపన్నెండేళ్లు వచ్చినప్పుడు జరిగిన సంఘటనలు గుర్తే. ఏదైనా ఫంక్షన్ కు గానీ, ఎవరి ఇంటికైనా వెళ్ళినప్పుడు కాఫీ ఇస్తుంటే మా అమ్మ గట్టిగా చెప్పేది. `మా రాజా (నన్ను మా అమ్మేకాదు, బంధువర్గమంతా నాగరాజు, రాజా అని పిలుస్తుంటారు ఇప్పటికీనూ) కాఫీ తాగడు, పాలే ఇవ్వండి' అనేది.
దీంతో ఎవరింటికి వెళ్ళినా నాకు మాత్రం గ్లాసుడు పాలే ఇచ్చేవారు. ఇప్పటికీ (నాకు 58 ఏళ్లు వచ్చినా) మా సొంత ఊరైన అడవిరావులపాడు లేదా నందిగామ వెళితే కాఫీ నాకు ఇవ్వరు. వేడివేడి పాలే ఇస్తుంటారు. ఈ మధ్యనే నేను అడవిరావులపాడు వెళితే అక్కడ మా పొలం చూసుకునే వెంకటేశ్వర్లు కుటుంబం కూడా `చిన్నబ్బాయిగారు పాలే తాగుతారు ' అంటూ నాకు పాలే ఇచ్చారు. ఒక్కోసారి కాస్తంత ఇబ్బందిగా ఉంటుంది. నాకంటే చిన్నవాళ్లు, మరీలేతవాళ్లే కాఫీ కప్పులు తీసుకుని తాగేస్తుంటే, నాకు పాలగ్లాస్ ఇవ్వడమేమిటీ !! కానీ వారి అవ్యాజమైన ప్రేమను కాదనులేను. అందుకే అలా ఎవరైనా ఎప్పుడైనా పాలగ్లాసు నాచేతికి అందిస్తుంటే వారి రూపంలో మా అమ్మే కళ్లముందు కనబడుతుంటుంది. అందుకే మా అమ్మ మురి`పాల' అమ్మ .
(మా అమ్మగారితో పరిచయం ఉన్నవారు, బంధుమిత్రులు- తమకు తెలిసిన విశేషాలను ఈ సందర్భంగా పంచుకోండి. మీ అభిప్రాయాలను ఈ పోస్ట్ కింద కామెంట్స్ రూపంలోగానీ, లేదా మెయిల్ ద్వారా nrturlapati@gmail.com కి గానీ లేదంటే ఫోన్ చేసిగాని చెప్పండి)
- తుర్లపాటి నాగభూషణ రావు (నాగరాజు)
ఫోన్ నెంబర్ 988 529 2208
